Tokante

ROA CN ta e Ofisina di Ekspertisio Karibense pa konekshon entre enseñansa profeshonal i merkado laboral. Nos ta ehekutá tareanan riba enkargo di ministerio di OCW, manera rekonosementu i guia di ‘leerbedrijven’, entre otro pa stazje i trayektonan di aprendisahe.

Tambe nos ta duna ministerio di OCW konseho tokante relevansia di merkado laboral i funshonabilidat di estudionan ku e skolnan ke ofresé. Finalmente ROA CN tin e ròl komo organisashon di kooperashon unda ta trese enseñansa profeshonal i sektor empresarial huntu pa fortifiká e konekshon di enseñansa riba merkado laboral.