Raad Onderwijs Arbeidsmarkt Caribisch Nederland
  • Bonaire Kaya Korona 3 T: 717 5450
  • St. Eustatius Oranjestad T: 319 4808
  • Saba St. Johns T: 319 4808

" Together, we make it work "

ROA CN: ku bista riba nesesidatnan riba merkado laboral BES

  • February 28, 2020

ROA CN: ku bista riba nesesidatnan riba merkado laboral BES

Resientemente Konseho di Enseñansa i Merkado Laboral Hulanda Karibense (ROA CN) a presentá su konseho anual na Ministerio di Enseñansa, Kultura i Siensia (OCW). 

Puntonan sentral den e dokumento aki ta desaroyonan aktual den enseñansa profeshonal sekundario (mbo) i merkado laboral riba e tres islanan di Hulanda Karibense. Pa tur sektor a sigui e desaroyonan, perspektivanan pa trabou abase di vakaturanan i pèrmitnan di trabou otorgá. Pa Boneiru tambe a wak e posishon riba merkado laboral di graduadonan riba nivel di mbo.

Den proseso di kompliashon di informashon pa e dokumento aki, ROA CN a reuní ku diferente partnernan lokal manera e.o. skolnan riba nivel sekundario riba e tres islanan, representantenan di sektor privá/ empresarial, Entidat Públiko di tantu Boneiru, Sint Eustatius i Saba, Ofisina Sentral di Estadístika (CBS) i tambe Unidatnan di RCN di Asuntunan Sosial i Empleo (SZW) i OCW.

Boneiru

Un punto ku ta keda bin dilanti durante kompilashon di informashon pa e dokumento aki ta: dunadó di trabou aki na Boneiru ta eksperensiá difikultatnan pa haña personal lokal kualifiká. ROA CN ta konstatá i ta verifká esaki ku informashonnan atkerí di vakaturanan registrá na Entidat Públiko di Boneiru, ku e difikultatnan ta en espesial ora ta trata di vakaturanan den konstrukshon, téknika (ingeneria i téknologia) i horeca riba nivel básiko te ku un nivel 3 di mbo. Akinan por pensa riba entre otro mètsla, karpinté, elèktrishen, personal di servisio. 

Otro punto ku tambe ROA CN ta konstatá ta ku den e sektor i funshonnan menshoná tin relativamente tiki studiante di mbo trahando, motibu pa kual ta inprobabel ku e oferta i demanda riba merkado lo ta den balansa. Tin un eskases struktural na kantidat di graduadonan di mbo kompará ku e demanda di merkado. Esaki ta un posibel motibu pa kual den e funshonnan aki frekuentemente ta duna pèrmit di trabou na estranheronan. 

Pa loke ta trata studiantenan di mbo, a wak e posishon riba merkado laboral di e personanan ku a finalisá nan estudio riba nivel di mbo ku éksito. Den e último 5 añanan un promedio di 64% di e graduadonan a drenta den servisio den un kompania òf instansia. E mayoria di graduadonan aki ta trahando den sektor di komersio, gobièrnu, horeca i téknika. 

Sint Eustatius

Meskos ku na Boneiru, dunadónan di trabou tambe ta eksperiensia algun reto den yena vakaturanan den konstrukshon i téknika. E vakaturanan ta konsistí di e.o. lasdó (pa GTI Statia), karpinté, operador di kran, elèktrishèn, fèrfdó i mètsla. Hopi biaha vakaturanan ku ta registrá na Entidat Públiko di Sint Eustatius tin e meta pa kumpli ku eksihensianan di e entidat pa dunadónan di trabou por atraé òf mantené trahadónan ekstranhero pa medio di pèrmit pa trabou. Si nos wak komo ehèmpel den kaso di un lasdó hopi ta e kasonan ku trahadónan lokal no ta kumpli ku e eksigensia profeshonal i ta pa medio di petishon di pèrmit pa trabou por yega na personal ku si ta kumpli ku e eksigensianan deseá.

ROA CN a konstatá tambe ku na Sint Eustatius tin nesesidat di estudionan sekundario riba tereno di horeca, turismo i téknika. Tambe por mira e nesesidat den rekapasitashon di aktual trahadónan riba areanan manera e.o. dunamentu di servisio.

Saba

Gobièrnu ta e prinsipal fuente di empleo na Saba siguí, pa enseñansa (gran parti pa motibu di e Universidat di medisina). 

Posibilidatnan i opshonnan pa estudio sekundario na Saba ta limitá. Meskos ku na Sint Eustatius, tin un kantidat grandi di trahadó ekstranhero na Saba. Esaki ta keda reflehá den e kantidat di pèrmitnan di trabou otorgá den sektor di horeca, téknika i kuido. 

Aktualmente a introdusí ‘Caribbean Vocational Qualification’ (CVQ) den enseñansa sekundario tantu na Sint Eustatius komo na Saba. CVQ ta enseñansa profeshonal sekundario kompletamente na ingles ku ya kaba ta implementá na mas o ménos 23 pais den region Karibense. 

Bo ta interesá den mas informashon? Por fabor tira un bista den e dokumento ‘Beroepsonderwijs en arbeidsmarkt Caribisch Nederland’  riba wèpsait di ROA CN www.roacn.com

Text Box: Boilerplate:  ROA CN ta un fundashon independiente ku e tarea legal pa konektá enseñansa profeshonal ku merkado laboral di Hulanda Karibense. ROA CN ta rekonosé ‘leerbedrijven’ pa formashon profeshonal den práktika i ta konsehá Ministerio di Enseñansa, Kultura i Siensia tokante relevansia pa merkado laboral i efikasia di estudionan.